منين + إزاي تتعلّمي اللغة الألمانية أون لاين في بيتك ببلاش!

شاركيها أصحابك!
Share On Facebook
Share On Twitter
Share On Google Plus
Share On Pinterest

أكتر الناس دلوقتي بتتجه لتعلّم الالمانية سواء للسفر للدراسة أو الشغل أو حتى لمجرد التعرّف على ثقافات الألمان.

لأن التعليم في ألمانيا بجانب إنه أغلبه مجاني فهو على مستوى رفيع ومرموق جدًا.

كما إن ألمانيا حاليًا بتستقطب كتير منالحرفيين والموظفين ضمن برنامجها Make it in Germany فبتوفّر فرص شغل كتير للأجانب.
من المهم إنك تعرفي إن البلاد اللي بتتكلم اللغة الألمانية كلغتها الأولى وتقدري تستفيدي من معرفتك بالألمانية فيها هي: ألمانيا، سويسرا، النمسا، لوكسمبرج، بلجيكا، ليشتنيشتاين (ايوة هي اسمها كدا 😀 )

اللغة الألمانية واحدة من أهم الشروط في الفيزا خصوصًا لشغل أو دراسة، فيه جامعات بتطلب منك مستوى C1 وأحيانًا B1، وفيزا الشغل بتبقي بشهادة إجادة لغة C1.

مواضيع تهمّك ||  الانجليزي مش مشكلة: أهم مصادر تعلم اللغة الإنجليزية في وقت قياسي.

وهو دا موضوعنا، فيه كذا مصدر مهم تقدري تتعلّمي بيه اللغة الألمانية وفي وقت قياسي:

DW:

تبدأ من المستوى A1 حتى المستوى B1. تتضمن تتضمن هذه الدورة 7.000 كلمة و750 تدريب.

هنا القواعد النحوية المهمة الموجودة في الدورة دي: http://goo.gl/SrKq8J

 

تتضمن  الكلمات والجمل والعبارات الألمانية اللي  بتُستخدم في الحياة اليومية، وهتساعدك على تحسين مهارات الاستماع والنطق.. تضم الدورة 100 درس في المستويين A1 و A2.

قصة متكونة من عدة مسلسلات، كل مسلسل فيه 25 درس مع محادثات وتدريبات ومقاطع صوتية قابلة للتحميل، ويغطّي من المستوى A1 إلى B1

تغطّي كلا المستويين A1 و A2. هتساعدك في تقوية مهارات السماع بطريقة تفاعلية

دا مسلسل من إنتاج الـ BBC مُلحق بشريط يوضح لك اللي بيتقال. هيساعدك في تقوية مهارات الاستماع.

https://goo.gl/ToUkzD

دا من أقوى المواقع الخاصة بتعليم القواعد الألمانية، يقدم لك اللي محتاجه من قواعد وأمثلة وشروح وتدريبات:

http://goo.gl/55miQh

-ودا: nthuleen يقوم بشرح القواعد الألمانية بصورة مبسطة وسهلة وبلغة إنجليزية يسيرة.

   مواضيع تهمّك || طرق تعلم اللغة الإنجليزية: إتقني الإنجليزية في أقل من 6 شهور!

  • القراءة:

من المواقع التي تقدم الكتب الالمانية من ضمنها قصص الأطفال الالمانية، وتستهدف أهل اللغة أي أنها ذات لغة وقواعد ونطق سليم، وأغلبها مجاني:

 Gutenberg

childrenslibrary

Almanii

مواضيع تهمّك || إلى باريس: 7 حاجات تعمليها عشان تتقني اللغة الفرنسية في أقصر وقت!

دلوقتي معاكي كل حاجة، إتبقى إنك تعرفي إزاي تتعلّمي الألماني..

لازم تعرفي إنه (أغلب) قواعد إجادة أي لغة بتتشابه من لغة للتانية، كان فيه شخص إسمه كريس لوندسيل قدر يتعلم الصينية في 6 شهور فقط عمل كتاب إسمه الاذن الثالثة – the third ear.. قالك عشان تتعلّمي أي لغة في 6 شهور في 5 قواعد و7 خطوات:

            مواضيع تهمّك || إزاي تتعلّمي أي شيء أيًا كان في عشرين ساعة فقط؟

الخمس قواعد ببساطة كانوا:

 

  • اهتمي باللي يهمّك:

 

لازم تعرفي إنت عايزي تتعلمي الالماني ليه؟ للدراسة ولا للشغل ولا للسفر السياحي عمومًا؟

عايزة Business German ولا Medical German ولا Scientific German ولا Conversational German؟

وكمان عشان تركّز ع القسم الأهم سواء كتابة أو قراءة أو استماع أو محادثة.

كل ما ضيّقتي الاختيارات كل ما سهّلتي على نفسك الإستيعاب والإنجاز أكتر.

 

  • 2) استخدميها:

حطّي نفسك في مواقف تضطرّك تتكلمي فيها بالالماني، خصوصًا مع أهلها

فيه مواقع بتسمح لك تحادث فيها ألمان وأجانب من كل الجنسيات زي https://www.verbling.com/

مواضيع تهمّك || إلى باريس: أهم مصادر تعلّم اللغة الفرنسية في وقت قياسي.

  • 3) إهتمي بالرسالة والمحتوى:

ركّزي اللي قدامك عايز يقولك إيه من خلال تعبيرات وجهه ولغة جسده وسياق الكلام، متركّزيش على كل كلمة وتفاصيل الجملة أد ما لازم تركّزي على اللي هو عايز يقوله.

  • 4) اسمعي وكرّري:

مستر كريس بيقول إن أي عقل عنده فلاتر – filters بتتعرّف على الكلمات المألوفة وبتطرد الكلمات الغير معروفة والغريبة

فكل ما انت بتسمعي كتير كل ما الكلمات دي بتخترق الفلاتر وبتكون مألوفة ليكي وبتبقى ضمن حصيلتك اللغوية.

 

  • 5) حالتك النفسية مهمة:

متتوقّعيش إنك هتعرف تتعلم حاجة وإنتي متضايقة أو متعصّبة أو محبطة، حاولي تتعلمي وإنت في حالة نفسية سوية ومستقرّة.. مش لازم تكوني مزقططة يعني 😀 بس على الاقل تكوني مرتاحة نفسيًا.

مواضيع تهمّك || اللغة الأسبانية: أهم 6 مصادر لتعلم اللغة الأسبانية وإنتِ في بيتك!

كدا القواعد الخمسة، أما عن الخطوات السبعة اللي اتبنوا على أساس اللي فات دا:

 

  • 1) اسمعي كتير:

 

من الخيال إنك تتوقعي إنك هتفهمي كل اللي هتسمعيه في الاول، لكن زي ما قلنا إنتي بتبني حصيلة وبتألفي عقلك على الكلام ونبرته ولحنه وطريقة النطق وتكوين الجمل.

اسمعي كتير، اسمعي أغاني وافلام ومسلسلات ومقاطع صوتية وكتب صوتية ومحادثات.

 

  • 2) اكتسبي اللغة بصورة تفاعلية:

ركّزي إنك تفهمي المعنى والرسالة من خلال عوامل توصيلها زي نبرة الصوت والتعبيرات الوجهية ولغة الجسد وسياق الكلام.

  • 3) مارسي اللي عرفته:

لو معاكي 10 كلمات و10 أفعال و10 حرف وصل وجر، فإنتي هتقدري تكوني عدد غير نهائي من الجمل – حتى لو كانت تضحّك وملهاش معنى أوي 😀 –  لكن أهم حاجة تمارسي ومتخليش معرفتك مجرد معرفة صلبة.

مواضيع تهمّك || 6 طرق عشان تتقني اللغة الأسبانية في أقل من 6 شهور!

  • 4)استخدمي قاعدة 80% – 20%:

القاعدة دي بتتطبق في كل حاجة تقريبًا، والقاعدة دي بتقول إن فيه كلمات بتمثّل أغلب وأكثر الكلمات شيوعًا وإستخدامًا في

اللغة، لو عرفتها فكإنك عرفت 80% من كلمات اللغة ككل.

إبدأي بتعلّم أهم وأكثر الكلمات اللي بيستخدموها الألمان في حياتهم ( أو في المجال اللي انتي بتقصديه ).

 

  • 5) خلّي عندك أب لغوي:

وإحنا بنقول ” أب ” مش ” شريك ” كما هو المعتاد، دا لأن وظيفة الأب اللغوي أهم وأدق شوية، فهو هيعاملك كأنك لسّه طفلة بتتعلم تتكلم لأول مرة

 

  • مش هيصححك، بل هيسيبك تعبّري عن اللي جواك.
  • هيبدأ يأكّد الفهم بعبارات صحيحة وتعابير وحركات وجه وجسد تحطّك في مود الكلام.
  • هيشجّعك إنك تتكلمي وتمارسي حتى لو اللي هتقوليه غلط، ودا هيكسبك ثقة بنفسك.

 

    مواضيع تهمّك || إدارة الوقت: 15 خطوة عشان تنجزي أكتر في وقت أقل

  • 6) قلّدي:

شوفي هما بينطقوا الحروف والكلمات إزاي وحركات عضلات وجوههم وحركات إيديهم بتبقى إيه وإعملي زيها.

 

  • 7) اعملي صور ذهنية:

إحنا عقلنا بيستوعب أكتر لما بتكون المعلومات موجودة في صورة، عشان كدا إنت محتاجة تتعلمي وتحفظي الكلمات من خلال صور وخرائط ذهنية، وأفضل موقع بيساعدك على كدا هو موقع Memrise

 مواضيع تهمّك || أفضل 10 مواقع تعليمية MOOC..إتعلّمي أي مجال من بيتك ببلاش! (1)

   مواضيع تهمّك || أفضل 10 مواقع تعليمية عربية .. إتعلمي أي مجال في بيتك ببلاش! (2)

Comments

comments

شاهد أيضاً

قبل أن تفقدي الأمل:15 نصيحة مختصرة لمضاعفة إنجازك! -1

شاركيها أصحابك!وجودك هنا يعني أنك عالقة، مثلنا جميعًا، في مسؤوليات وخطط كثيرة تتراكم فوق رأسك ...

كيف تسيطر على الغضب

قبل أن تقتلي أحدًا: 15 شيئًا عليكِ فعله للسيطرة على الغضب.

شاركيها أصحابك!الغضب ليس مرضًا لحسن الحظ، وإنما حال يُمكن السيطرة عليه كأي شيء في العالم. ...

بدون نوتيلا: 6 أشياء عليكِ فعلها لتجاوز الإرهاق الذهني والنفسي بسلام.

شاركيها أصحابك!إنّا لا نحيا في الفردوس in heaven كما يحب أن يسميها الخواجات، ومعرّضون في ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)