7 حاجات عشان تحققي السّعادة في حياتك من إنهاردة! :)

شاركيها أصحابك!
Share On Facebook
Share On Twitter
Share On Google Plus
Share On Pinterest

فيه ناس بتدور على السعادة وتفتش عنها في كل موقف يمر في حياتها، وفيه ناس تانية بتستناها. إوعي تستني من حد يسعدك.

إجري بنفسك وراء السعادة وإنتي هتلاقيها في كل حاجة حواليكي. دي 7 حاجات بسيطة، أي حاجة فيهم كفيلة بإسعادك طول الوقت يا هانم ^_^

 

  • 1- حددي أهدافك

لازم كل يوم تفكري “إنتِ عايشة ليه وعايزة تعملي إيه؟”

لازم تعرفي هدفك إيه؟ نفسِك مستقبلِك يكون شكله إيه؟ إزاي تسعي لتحقيق رغباتك؟ إيه شغفك؟ إيه هي قيمتك بالنسبة للي حواليكي؟

إجابات الأسئلة دي هتاخد منك شوية وقت وتركيز، بس بعدها هتحسي بفرق كبير لما تبقي عارفة سبب وجودك.

  • 2- ساعدي شخص بدون إنتظار مقابل

كتير بننشغل بأولوياتنا وإحتياجتنا الخاصة ومش بنركز على أي حد تاني. مساعدة أي شخص بأي شئ تقدر تقدمهوله هيديكِ سعادة كبيرة جدًا.

ممكن تساعدي حد في مجال شغلك أو دراستك أو تقدمي لحد حاجة مش بتستخدميها بس هوة محتاجها.

المساعدة مش بس فلوس. مجرد إنك تساعدي حد مش تعرفيه في الشارع أو المواصلات بيغمرك بإحساس العطاء.

وبما إن “الكلمة الطيبة صدقة” حاولي تعتادي عليها الفترة الجاية وهتحسي بتحسن.

فمثلًا إظهري إعجابك بلبس وذوق صاحبتك، قولي كلمة طيبة لوالدتك عن أكلها، شجعي أختك الصغيرة ومش تكلميها بطريقة سلبية.

 

  • 3- إعملي قايمة لأسباب سعادتك

إكتبي في نوت صغيرة -وإحفظي مكانها كويس- أسباب سعادتك. حاولي تكون الأسباب دي بسيطة ومش مكلفة، بحيث تقدري تنفذيها وقت ما تحسي بأي الحزن.

الحاجات دي بتختلف من واحدة للثانية..أنا مثلًا أسباب سعادتي البسيطة:

  • لمة أسرتي.
  • إني ألعب مع أولاد أختي.
  • وعندي بعض الاصدقاء المقربين مجرد سماع صوتهم بيسعدني.
  • محتفظة ببعض الصور مع صحابي في أحداث معينة مجرد ما برجع ليهم بتبسط جدًا.
  • بعض الجمل والإقتباسات عن السعادة
  • إني أعد نعم ربنا علياوأكيد إنتي ليكِ قايمة مليانة بحاجات بسيطة زي دي. ما عليكِ غير إنك تدوينهم وترجعليهم وقت الحاجة.

 

  • 4- الإبتسامة 🙂 

 

تعرفي إن التَبسم أحد أفضل مسكنات الإجهاد النفسي والبدني. الإبتسامة بتخلق داخل الشخص سلام وطمأنينة.

إنتي مش محتاجة سبب علشان تبتسمي، ممكن تفضلي مبتسمة طول الوقت بس إفتكري تبتسمي.

 

5- دلعي نفسك:

أكيد بتنشغلي في حياتك اليومية والإجتماعية بشكل كبير. وممكن دة ينسيكي تعملي حاجة لنفسك بدون ما تكوني مكلفة بدة!!

فكري نفسِك دايمًا غنك تستحقي الإهتمام والرعاية اللي بتقدميها لغيرك. حبي نفسك ومش تقللي منها ومش تسمحي لحد يضايقك أبدًا.

من وقت للتاني قدمي لنفسك حاجة جميلة بتفرحك. مش شرط تكون حاجة كبير ومكلفة بس بردة مش تستهوني بنفسك وتهمليها.

 

6- إبحثي عن الجمال اللي حواليكي

دوري على أي حاجة جميلة حواليكي وقدريها. الجمال دايمًا حواليكي بس ركزي وهتلاقيه.

ممكن تلاقيه في المساحات الخضراء، في بساطة كلام الناس الكبيرة في السن، في براءة الأطفال وتصرفاتهم، في رضا الناس الغلابة.

إرفعي راسك للسماء وإستمتعي بشكلها وقت الشروق والغروب.

تواصلي مع الطبيعة والمجتمع المحيط وقدري جماله وإنتي هتلاقي نفسك حاسة بإيجابية وسعادة غير محدودة.

 

7- دوني كل موقف سعيد في حياتك

دي خطوة بسيطة هتحتاجي فيها ورقة وقلم وبرطمان صغير بغطاء. كل ما عليكي إنك هتكتبي علىه “اللحظات السعيدة” او أي عنوان نفسك فيها.

في كل موقف حلو يفرحك يعدي عليكي إكتبيه في ورقة صغيرة وجمبه التاريخ. طبقي الورقة وحطيها في البرطمان واقفلي عليها.

مع الوقت هتلاقي البرطمان اتملي ورق، وكل مرة تطلعي الورق تقرأيه هتتبسطي أوي ^^

Comments

comments

شاهد أيضاً

إتخلصي من أي عادة سيئة في حياتك بـ 4 خطوات بس!

شاركيها أصحابك!قد نكره أن نعترف بذلك، ولكن معظمنا لديه عادة سيئة واحدة على الأقل. وعلى ...

تايهة؟ 6 خطوات إتعرفي بيها على شغفك!

شاركيها أصحابك!” إزاي أعرف شغفي؟..” إنتِ غالبًا سألتِ السؤال مرة واحدة على الأقل في حياتك. ...

خلّي ريحة هدومك ودولابك حلوة بـ 4 طرق بسيطة!

شاركيها أصحابك!تعطير الملابس من الأمور المُهمة في غسيل الملابس، دلوقتي بين إيديكِ أهم وأسهل 3 طرق ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)