في 6 خطوات: إزاي تخطّطي وتنفّذي أي حاجة إنتِ عايزاها!

شاركيها أصحابك!
Share On Facebook
Share On Twitter
Share On Google Plus
Share On Pinterest

عشان محدش عارف المستقبل فيه إيه..أي خطة بنحطها هي عبارة عن توقعات نأمل إنها تتم بحذافيرها!

بنحاول في أي خطة نحطها إننا نتلاشى أي خطأ ممكن يقع يبعدنا عن هدفنا اللي عايزين نوصله أيًا كان هو إيه ومدى حجمه ومدة تنفيذه.

عشان كدا لما تيجي تقرري انك تعملي اي حاجة أو تنفّذي مشروع أو تحققي هدف سواء على مستوى شخصي أو مهني أو دراسي أو إجتماعي

لازم لازم لازم تحطّي له خطة، لأن أي هدف بدون تخطيط واضح ليها هو مجرد أمنية أو خواطر مراهقة 😀

Image result for set a plan

فيه 6 خطوات كونية مُتّبعة في أي هدف عايزة تحققيه أو حاجة عايزة تعمليها بدايةً من تنظيف البيت لحد تحضير الدكتوراه 😀 ، وهما:

  1. حطّي أهدافك:

    لازم تبقي واضحة مع نفسك في اللي عايزة تعمليه، بمعنى تسألي نفسك: ” أنا عايزة أعمل إيه في الموضوع دا؟ ” ..
    وتكون الإجابة: ” أنا هكون إنتهيت من المهمة دي لما أحقق 1 و 2 و 3 ”

    مثلًا لو بتتعلمي لغة جديدة فتقولي: أنا هكون إنتهيت من هدفي في تعلّم الفرنسية لما أكون قادرة أعرّف نفسي واتكلم عن أهدافي وافكاري، وأقدر اجتاز إختبار تحديد المستوى، وأفهم الناس وهي بتتكلم في مواضيع عامة بنسبة 70%.

            مواضيع تهمّك || إلى باريس: 7 حاجات تعمليها عشان تتقني اللغة الفرنسية في أقصر وقت!

          Image result for set a goal

  2. إعرفي ليه؟:

    هل هتقومي بهدفك دا لأنه حرج لظروفك مثلًا زي انك هتسافري فمحتاجة لغة، أو عندك إمتحان أو مجرد هواية؟
    إعرفي ليه إنتِ عايزة تعملي الحاجة دي! (عدّدي مثلًا لحد 10 أسباب وأكتر)
    رتّبي أسبابك حسب اولوياتها وخلّيها واضحة أدامك دايمًا..عشان ترجعي لها دايمًا لما تحسي إن الموضوع صعب وتفتكري إنتِ بدأتِ ليه من الأول! 😉

    مواضيع تهمّك || إزاي تتعلّمي أي شيء أيًا كان في عشرين ساعة فقط؟

  3. إعرفي إيه هي الخيارات المتاحة أدامك:

    إنتِ دايمًا عندك فرص وخيارات كتير لعمل المهمة دي، يعني مثلًا:
    – مركز تعليمي
    – نادي محادثة
    – كتب تعليمية
    – معلم خاص
    – كورسات اون لاين
    – معاكِ اندرويد أو iOS فهتتعلمي بالسماع.
    – هتتعلمي من خلال الكتب.
    – هتتعلمي من خلال الافلام.
    وغيره كتير من الخيارات المتاحة أدامك ..حدّدي أكترها ملائمة ليكِ في ليست طويلة، ومتقلقيش بخصوص مين هينفع أكتر أو لأ
    ودا هياخدنا للنقطة رقم 4.

    مواضيع تهمّك ||  أفضل 10 مواقع تعليمية MOOC..إتعلّمي أي مجال من بيتك ببلاش! (1)

  4. إعرفي أيّها أنسب ليكِ:

    إبدأي حلّلي وقيّمي كل الاوبشنز اللي انتِ حطتيها في الليستة دي..
    هل مثلًا معاكِ فلوس تدفعيها في المركز التعليمي؟
    هل مستواكِ يسمح بالتسجيل في نادي محادثة؟
    منين هتجيبي الكتب التعليمية؟
    بتحبي تتعلمي مع مدرس خاص ولا في مجموعة؟ هتقدري تدفعي؟
    هل معاكِ مصادر تعليمية كويسة على النت؟ منين تجيبيها؟
    الفون أو التاب بتاعك صحته كويسة وهيسدّ معاكي؟ هل معاكي وقت في المواصلات أو في يومك للسماع؟
    وهكذا..
    تبدأي تحللي فوايد ومشاكل كل اوبشن من اللي حطتيهم بوضوح..

    مواضيع تهمّك || إدارة الوقت: 15 طريقة سهلة عشان تنجزي أكتر في وقت أقل!

  5. إرسي على برّ!:

    طبعًا مش هتقعدي تحلّلي للأبد! 😀
    الليستة اللي انتِ عملتيها فوق دي، صفصفيها على 3 أو 5 اختيارات هتشتغلي عليهم.
    شرط الاوبشنز دي إنها: تلائم حالتك المادية/النفسية + تبقى واثقة إنك هتقدري تستمرّي عليها ومتضطريش تبدّلي كتير.
    ملحوظة: مش مشكلة خالص إنك تبدأي بوسيلة وبعدين تضطري تبدلّيها، فقط متخليش دا هو ديدنك عشان دماغك متلفّش وتزهقي! 😀

    مواضيع تهمّك ||  تايهة؟ 6 خطوات إتعرفي بيها على شغفك!

  6. قرّري هتبدأي إزاي؟: – ركّزي هنا! – 

    Image result for set a goal

    في مرحلة ما، هتبقى كل حاجة جاهزة..متبقاش غير إنك تبدأي..
    وهنا لازم تقفي عند كل هدف من (الاهداف الصغرى) اللي حطتيها ضمن (الهدف الاكبر) – مثال: تنمية مهارة الاستماع ضمن تعلم اللغة الفرنسية.

    وتبدأي تعملي خطّة اكثر تفصيلًا ودقّة من الخطة العامة الكبرى، بمعنى أوضح: خطّة جوّا الخطة نفسها.
    زي مثلًا:
    هترتبي المصادر اللي قرّرتِ تتعلمي منها (وليكن كتاب تعليمي + الموقع اللي هتتعلمي منه + التسجيلات اللي هتسمعيها) .
    وتبدأي ترتبي إنتِ هتشتغلي بيهم وتنتقلي بينهم إزاي، يعني إيه بيجي قبل إيه؟
    التوقيت الخاص بكل وسيلة من دول. وكل واحد هياخد منك أد ايه بالتقريب؟
    عشان تبقى عارفة ايه الخطوة المقبلة في كل مرحلة انتِ فيها.

    لازم تبقي موضّحة إنجاز عايزة توصليله في كل مرحلة:
    حتى لو كان الإنجاز دا هو إنك تقدري تسمعي أوديو بسيط من 30 ثانية وإنتِ فاهمة بيتقال فيه إيه!

    وبكدا هيبقى تركيزك مثلًا في الفترة دي على مهارات الاستماع + طريقة النطق + حفظ كلمات جديدة..وبكدا جهدك كله هيكون مُوجّهه للناحية دي.

    مرة في مرة هتلاقي الهدف دا بيسهل، وبتجيبيه، وبتخشّي على اللي بعديه..وبيخليكِ قادرة تقيسي نجاحك ومدى فعاليتك وفعالية المصادر اللي معاكِ..وتقرّري هتكمّلي بيها أو هتستعيني بغيرها، وإيه هي العقبات اللي واجهتيها وهتتغلبي عليها ازاي على المدى الاوسع؟ وإيه مهاراتك اللي عايزة تنمّيها أو اللي بالفعل نمّتيها؟

     مواضيع تهمّك || الانجليزي مش مشكلة: أهم مصادر تعلم اللغة الإنجليزية في وقت قياسي.

إفتكري إن ربنا ألهمك الهدف دا عشان عايزك تحققيه .. ^_^

 

بالتوفيق يا هانم!

Comments

comments

شاهد أيضاً

أسئلة لا تسأليها لزوجك

5 أسئلة أوعي تسأليها لزوجك! (+5 أسئلة بديلة)

شاركيها أصحابك!برغم إن فيه بديهيات بيبقى من الكوميديا إن الناس تنوّه لها في بداية الكلام، ...

أعراض الثلث الأخير للحمل

مراحل الحمل: أعراض الثلث الأخير من الحمل

شاركيها أصحابك!” تلت الحمل كام ؟ 😀 ”  التلت الأخير استكمالًا لمراحل الحمل.. وزى ما ...

الثلث الثاني من الحمل

مراحل الحمل: أعراض الثلث الثاني من الحمل

شاركيها أصحابك!تلت الحمل كام ؟ 😀 ” التلت التانى “ فى المقال اللى فات اتكلمنا ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)