طريقة عمل البانيه في الفرن بالصور || أكل صحي

شاركيها أصحابك!
Share On Facebook
Share On Twitter
Share On Google Plus
Share On Pinterest

90% من سكان كوكب الأرض بيحبوا الفراخ البانيه 😀 .. دا لأنها بتبقى شهية وبتسدّ أي جوع وتحتوي الواحد كدا 😀

بس للأسف الشريحة الواحدة فيها 300 كالوري وإنتِ طالعة، دا خراب بيوت ! 😀
وإنتِ أكيد عايزة تفضلي محافظة على صحتك وجسمك، حتى لو على حاجة بتحبيها.
الخبر الحلو هو إنك لو بتحبى المقليات بس تعبتى من الزيوت والأكل التقيل ونفسك فى أكل خفيف وصحى وفى نفس الوقت مش أكل مستشفيات.
أو طبعًا عاملة دايت لو زهقتي من المسلوق والمشوي.  فاعرفي وصفة الدجاج البانيه في الفرن للريجيم، وهي وصفة لذيذة وخفية ومش بتحتاج وقت، وفيها حوالي من 120 لـ 180 كالوري بس.

هتحتاجي المكونات :

طريقة عمل البانيه في الفرن
1 ك فراخ بانيه (يكفي 6 أفراد)
1/4 ك بقسماط بانيه
2 بيضة
للتتبيل :
بصلة
فص توم
توابل ( كمون – فلفل اسود – السبع بهارات – توابل فراخ )
معلقتين كاتشب
معلقة مايونيز
معلقة مسطردة
معلقة صغيرة معجون فلفل حار
1/2 علبة زبادى
معلقة صغيرة خل
* التوابل اختيارى ممكن تحذفى او تضيفى منها اللى تحبيه زى ماتحبى

طريقة الطبخ:

– تجيبى الفراخ وتغسليها بماء وخل و ملح للتنضيف وإزالة أي ريحة مش تمام.

– فى الخلاط أو الكبّة تحطى كل التوابل ومكونات التتبيلة والبصل والتوم والزبادى وتضربيهم كويس لغاية مابقى عندك معجون جاهز.

– فى علبة تحطى الفراخ وتحطى عليها التتبيلة وتقلبيهم كويس مع بعض ويفضل لو تسيبهم فى التتبيلة لمدة ليلة او عالاقل 4 ساعات.
طريقة عمل البانيه في الفرن

– جهزي طبق فيه البيض المخفوق ورشة فلفل اسود وملح وطبق فيه بقسماط التحمير.

– تحطي الفراخ فى البيض الأول وبعدين تطلعيها تغطيها فى البقسماط كويس من كل جانب.

طريقة عمل البانيه في الفرن

– سيبها فى التلاجة نص ساعة او اكتر تتماسك كويس.:D

– شغلى الفرن يسخن 10 دقايق لغاية ماتجهزى الفراخ.

– حضرى طبق صغير فيه شوية زيت صغيرين وتحطى قطعة الفراخ فيه تاخد وش زيت بس كده عالسريع عالجانبين. (صغيرين هه ..مش إزازة زيت :D)

– على صاج الفرن او صنية كبيرة عندك أفرشى ورق زبدة ورصي عليها البانيه بعد ما خدت وش زيت.

– دخليها الفرن على درجة حرارة فوق المتوسطة وبعد تلت ساعة إقلبي اللى فوق تحت علشان تاخد الوش الدهبى الجميل للبانيه
– تلت ساعة أو اقل وهتلاقى أشهى وأخف فراخ بانيه جاهزة في الفرن عندك وتاكلى منها براحتك ومش هتحسى بتقل المقليات بالعكس أكلة خفيفة ولذيذة ولا أشهى! 😀

طريقة عمل البانيه في الفرن

وبالف هنا يا هانم 😉

Comments

comments

شاهد أيضاً

قبل أن تفقدي الأمل:15 نصيحة مختصرة لمضاعفة إنجازك! -1

شاركيها أصحابك!وجودك هنا يعني أنك عالقة، مثلنا جميعًا، في مسؤوليات وخطط كثيرة تتراكم فوق رأسك ...

كيف تسيطر على الغضب

قبل أن تقتلي أحدًا: 15 شيئًا عليكِ فعله للسيطرة على الغضب.

شاركيها أصحابك!الغضب ليس مرضًا لحسن الحظ، وإنما حال يُمكن السيطرة عليه كأي شيء في العالم. ...

بدون نوتيلا: 6 أشياء عليكِ فعلها لتجاوز الإرهاق الذهني والنفسي بسلام.

شاركيها أصحابك!إنّا لا نحيا في الفردوس in heaven كما يحب أن يسميها الخواجات، ومعرّضون في ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)