الثلث الثاني من الحمل

مراحل الحمل: أعراض الثلث الثاني من الحمل

شاركيها أصحابك!
Share On Facebook
Share On Twitter
Share On Google Plus
Share On Pinterest

تلت الحمل كام ؟ 😀
” التلت التانى “
فى المقال اللى فات اتكلمنا عن التلت الأول فى الحمل، هنا: حامل؟ إعرفي مراحل حملك بالتفصيل! (الثلث الأول)

المرة دة بقى هنتكلم عن التلت التانى واللى بيبدأ من الشهر الرابع للشهر السادس ..وفى الحقيقة التلت ده من ألذ مراحل الحمل.. ليه بقى؟ قولتيلى ليه ..اقولك ياهانم! 😀
لانه بيخف فيه اعراض الدوخة والدوار والغثيان بتاعت التلت الأول، وفى نفس الوقت مبيكونش الحمل لسه تقل بالشكل اللى يضايقك وبيكون العلاقة الزوجية مع زوجك أفضل وتقبلك ليها أحسن ..وغير كل ده انك أخيرًا بتعرفى البيبى بتاعك بنوتة ولا ولد ^_^

                                 مواضيع تهمّك || مستنية الحمل؟ 10 علامات تأكّد لك إنك حامل!

ولو كنتِ تجاوزتِ المرحلة دي بالسلامة، فتقدري تنتقلي لمعرفة أهم أعراض الثلث الأخير من الحمل

اولا التغيرات اللى بتحصلّك في الثلث الثاني من الحمل :

الثلث الثاني من الحمل
– وزنك بيبتدى يزيد بشكل تدريجى وملحوظ (حوالى 1.4 إلى 1.8 كيلوجرام كل شهر لغاية الولادة) وطبعًا لازم مراقبة جيدة لوزنك ونظامك الغذائى في الفترة دي.. علشان تتجنبى الزيادة المبالغ فيها (حوالي من 5 لـ 10 كيلو، وبعض الماميز بيبقى أكتر) واللى بيصعب فقدانها بعد الولادة وكمان هتأثر على حركتك اثناء الحمل.

– زيادة حجم الثديين استعدادًا لانتاج اللبن بعد الولادة وإسمرار المنطقة حول الحلمات.

– وطبعًا حجم البطن بيبتدى يكبر والكل يقدر يلاحظه :D..وتقريبًا دي هتبقى أكتر مرّة هتبقي فخورة بحجم بطنك 😀

– شهيّتك واقبالك على الأكل بيزيد، فاحرصى على تواجد أكل صحّي خاصة الخضار والفاكهة جنبك دايمًا

– بعض الآلام فى البطن والظهر نظرًا للتُقل الجديد عليهم، وممكن تخفيفيها برياضة الحمل وبعض تمارين اليوجا.

– بيكتمل تشكيل المشيمة.

– بداية ظهور تشققات فى جلد البطن (الخطوط البيضا والحمرا stretch marks)  وبتختلف فى شدتها حسب طبيعة الجسم والصفات الوراثية وبنتعامل معاها بالترطيب المستمر.

– ظهور تلوّنات جلدية فى اماكن مختلفة فى الجسم (بسبب التغيرات الهرمونية) وخاصة الخط الممتد من السرة الى اعلى منطقة العانة.

وخلى بالك التعرض للشمس ممكن يزود المشاكل الجلدية دى علشان كده إحرصي على استخدام واقى الشمس دايمًا

– مشاكل اللثة بسبب توسع تدفق الدورة الدموية فيفضل استخدام فرشاة اسنان ناعمة ومتابعة طبيب الاسنان لو حصل أى التهاب مبالغ فيه فى اللثة.

تغيُّرات بتحصل للجنين:

جنينك فى المرحلة دى بيكون أكبر وبيبتدى يتحرك فى الرحم حتى لو مكنتيش حاسة بالحركة دى لسه 🙂
ومن الشهر الرابع والخامس يقدر يسمعك فإنتِ بقى عيشى حياتك وابتدى اتكلمى معاه وغنى له واحكيله هو واحشك أد إيه 🙂
 

الثلث الثاني من الحمل

من الأسبوع التالت عشر للأسبوع السادس عشر :
– بتستمر أنسجة العظام والعضلات فى التشكّل والنمو وبيكتمل بالتدريج تكون الهيكل العظمي.
– بداية تكون الجلد وبيكون رقيق وشفاف يمكن الرؤية من خلاله.
– افراز اول براز للجنين وأول حركة لامعائه، عشان كدا لازم تاكلي كويّس عشان يتغذى.
– بداية حركة المص
– هيوصل طوله ل حوالى من 12 ل 16 سم ووزنه 85 جرام

من الاسبوع السابع عشر للأسبوع العشرين :
الثلث الثاني من الحمل

– الجنين بيبقى اكثر نشاطا وممكن تحسى برفرفة حركته
– بيغطى جسمه شعر وبرى ناعم وطبقة دهنية لحماية الجلد المتكون.
– بتبتدى تتكون الاظافر فى اليدين والقدمين. 
– بتتكون الحواجب والرموش. (أوووه 😀 )
– جنينك يقدر دلوقتى يبلع.
– هيوصل طوله ل حوالى من 17 ل 22 سم ووزنه 255 جرام.

من الأسبوع الحادى والعشرين للأسبوع الثامن والعشرين :
– تبدأ الدهون تتكون حول جسم الجنين وبتستمر فى التكون فى الاسابيع اللي بعدها.
– تتكون الرئتين بس مازالت غير قادرة على العمل.
– بيبدأ نخاع العظام فى تكوين خلايا الدم.
– بتتشكل بصمات الاصابع. 
– براعم التذوق المسئولة عن حاسة التذوق بتتشكل على اطراف اللسان
– بتكون شعر الولادة على رأسه.
– الاعضاء التناسلية بتاخد مكانها لو ولد بتتنقل الخصيتين من البطن إلى كيس الصفن، ولو بنت بياخد الرحم والمهبلين مكانهم اسفل البطن.
– الجنين فى المرحلة دى بينام ويصحى بشكل منتظم. (ظبّطي نومك إنتِ كمان 😉 )
– هيوصل طوله حوالى من 23 ل 30 سم ووزنه حوالى من 500 ل 600 جرام.
 إيه اللى المفروض تعمليه فى التلت ده؟

1)  زى ما إتفقنا المتابعة المستمرة مع دكتورتك.

2) متابعة نسبة الهموجلوبين والحديد فى الدم.


3) عمل التحاليل اللازمة فى المرحلة دي، زي: اختبار المشيمة (هرمون الغدد التناسلية في المشيمة) – التأكد من خلو الجنين من الإصابة بمتلازمة داون أو أي عيوب خلقية أو عصبية- تحليل الغدة الدرقية، تحليل البول وسكر الحمل

4)  تنظمى اكلك وتوازنى العناصر اللى بتاكليها وتهتمى بالخضروات والفاكهة.
الثلث الثاني من الحمل
5) شرب المياة بشكل منتظم.

6)تحاولى تاخدى كفايتك من النوم الصحي والمريح لانه بيساعد فى نمو الجنين وعدم شعورك بالارهاق والاجهاد المستمر.

الثلث الثاني من الحمل
7) الرياضة المناسبة للحمل من أهم الحاجات اللى المفروض تداومى عليها وكلما تقدم الحمل ده هيساعدك كتير فى التلت الاخير والولادة.
الثلث الثاني من الحمل
8) احرصى على تناول أدويتك وفيتاميناتك بإنتظام.

9) وأخيرًا..اتكلمى مع جنينك واحكي له وغنى له ده هيزود الروابط بينكم ويحس بحبك ليه ويبقى مستقبلًا اكثر ذكاء وتفاعل 🙂
الثلث الثاني من الحمل

Comments

comments

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)