خطوات الحمام المغربي بالصور

إعملي الحمام المغربي الفتاك بنفسك بأسهل وأرخص طريقة!

شاركيها أصحابك!
Share On Facebook
Share On Twitter
Share On Google Plus
Share On Pinterest

عمل الحمام المغربي مش بس للعرايس، دا كمان ليكِ لو إنتِ بالفعل متزوجة أو حتى لسه بنوتة وعايزة تتخلصى من خلايا جسمك الميتة وترجعى حيوية جسمك ونعومته، وتحلي مشاكله سواء الخطوط البيضا والشعر تحت الجلد والسمار وعدم توحد ألوانه والكلف.. أو ببساطة تاخدي لفّة إنتعاش وجمال تردّ فيكِ الروح بعيد عن التوتر والضغط اليومي!

الحمام المغربي هو من أشهر أسرار الجمال في المغرب العربي، ومكوناته نفسها قادرة على حل مشاكل كتير جدًا في البشرة والجسم وترجعله جمالها وتقضي على الخلايا الميتة والهلكانة وتنعشك.

مواضيع تهمّك || عندك مناسبة مهمة؟ حضري نفسك ليها في أسبوع واحد بس!
أول حاجة نتعرف على مكونات عمل الحمام المغربى واللى تقدرى تشتريها من أى عطار كبير او صيدلة كبيرة، وأسعارها بإذن الله تناسبك:

خطوات الحمام المغربي بالصور

– الصابون المغربى (وبيكون عبارة عن صابون كريمى لونه بنى )
– الطمى المغربى
– ماء ورد
– ليفة مغربية
– حجر خفاف
– لون احمر (دم غزال)
– ماسك تقشير وسنفرة للوجه
– فى مجموعات على بعضها جاهزة فى الصيدليات او عند العطارين او تشترى المكونات كل حاجة لوحدها ونفس النتيجة على فكرة 😀
يلا نبدأ :
1 – سخنى ماء لغاية ماتغلى، وتاخديها فى الحمام وتغطى وجهك بفوطة وتعرضيه للبخار الطالع من الماء لمده 10 دقايق علشان تفتحى خلايا وشك.

خطوات الحمام المغربي بالصور
2- فى الوقت اللى بتعملى حمام بخار لوجهك وتكونى قافلة الباب والشباك للحمام كويس، إفتحى الماء السخنة بحيث يتحول المكان لحمام بخار لجسمك كله.

خطوات الحمام المغربي بالصور
3- إملي البانيو لنصه ماء ساخن، وإغمرى جسمك فيه لمدة لا تقل عن 10 دقايق. حاسبي ألا تتلسعي 😀 !

خطوات الحمام المغربي بالصور
4- بعد ما تطلعى من الماء، إقعدى على كرسى او قاعدة التويليت 😀 وإدهنى جسمك بالصابون المغربى مع التدليك الدائرى والتركيز على الأماكن الغامقة والجافّة زى الركبة والكوع والرقبة.
حاجة مهمة في عمل الحمام المغربي هو إنك تسيبيه على جسمك 10 دقايق، بس على وجهك تغسليه على طول علشان بشرة الوجه حساسة.

مواضيع تهمك || في اسبوعين بس..إتخلصي من الأماكن الغامقة وإلمعي!

خطوات الحمام المغربي بالصور
5-  أهم خطوة في عمل الحمام المغربي: إغسلى جسمك من الصابون كويس، وأثناء دا إفركى بالليفة المغربية .. وهنا هتلاقى خلايا جسمك الميتة الرمادية بتطلع بسهولة مع الليفة.
6- تدهنى جسمك بالطمي المغربي مع التدليك الدائرى وتحاولي تصنفرى بيه جسمك وانتى بتدهنيه وتدهنى وشك بماسك السنفرة وتسيبهم 10 دقايق وبعديها تفركى جسمك تاني.

خطوات الحمام المغربي بالصور
7-فى الوقت ده إبتدى إعملى باديكير وصنفرة لرجلك بالحجر الخفاف، هتكون رجليكى طرية وسهلة من تأثير الماء الساخن، فهتبقى الدنيا لذيذة خالص :D. الباديكير جزء مهم جدًا من خطوات عمل الحمام المغربي.

مواضيع تهمّك || طوّلي وإعتني بضوافرك طبيعيًا في أسبوعين بس!  
خطوات الحمام المغربي بالصور
8- إشطفى جسمك بماء فاتر (علشان تقفلى الخلايا ) مع ماء الورد ونقطة من دم الغزال ( يديكى لون وردى جميل لجسمك كله ) بس مش كتير نقطة واحدة بس 😀
خطوات الحمام المغربي بالصور
9 – وأخيرًا إدهنى جسمك بزيت عطري بتحبيه زى زيت اللوز الحلو او زيت جوز الهند او زيت الورد.. يستحسن يكون حاجة طبيعية أفضل لأم خلايا جسمك هتمتص كل حاجة فى الوقت ده.

خطوات الحمام المغربي بالصور

وإطلعي من الحمام عروسة زمانك، وكل خد عليه خوخة 😀

مواضيع تهمّك || طوّلي شعرك 3 سم في أسبوع واحد.. بخطوة واحدة بس!

Comments

comments

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)