أعراض الثلث الأخير للحمل

مراحل الحمل: أعراض الثلث الأخير من الحمل

شاركيها أصحابك!
Share On Facebook
Share On Twitter
Share On Google Plus
Share On Pinterest

” تلت الحمل كام ؟ 😀 ” 

التلت الأخير استكمالًا لمراحل الحمل..
وزى ما اتكلمنا فى المقالين اللى فاتوا عن التلت الاول والتاني من الحمل…جه معادنا النهاردة نتكلم عن التلت التالت والأخير في الرحلة اللطيفة دي 😀
، وفى التلت ده بتزيد بعض الاعراض اللى بتسبب بعض التقل والضيق على الحامل، بس أحبّ أبشّرك إنك قطعتِ شوط طويل من الحمل، يعني حوالي 70% من أجمل رحلات حياتك، وهانت خلاص كلها أسابيع وينوّر دنيتك أحلى بيبى فى الدنيا 🙂

فيه  حاجة لازم تكوني عارفاها مبدئيًا:

الهرمونات بتزيد وممكن تسبب تغيرات مزاجية حادة، وكمان بيزيد التوتر مع قرب الولادة وشعورك بالمسؤلية القادمة.. علشان كده لازم تهتمى دايمًا بتحسين حالتك النفسية وتبعدى عن أي أسباب للتوتر أو القلق لأن كل ده بيأثّر عليكِ وبالتالي بيوصل للجنين.

– ودلوقتى هنتكلم عن أهم الاتغيرات والأعراض اللى بتحصلّك انتِ وجنينك:

اولًا التغيرات اللى بتحصلّك:

– زيادة حجم البطن بصورة كبيرة جدًا عن أى وقت سابق وإحساس التقل بيزيد بسبب زيادة حجم الجنين والمشيمة والماء حول الجنين وتمدد الرحم لHكبر حجم له.

– زيادة فى الوزن ممكن توصل لـ400 جرام اسبوعيًا وبيكون وزنك فى المرحلة دى وصل لحوالى من 10 الى 16 كيلو زيادة عن وزنك قبل الحمل. ألف مبروك 😀

– زيادة حجم الثديين وعدد الغدد المنتجة للحليب استعدادًا لإرضاع البيبى بعد الولادة وقد تشكّل الغدد دى نتوءات بارزة على الجلد.

– بداية الإحساس ببعض التقلصات او الإنقباضات البسيطة التى تُسمى (إنقباضات براكستون هيكس ) وتعتير تمرين على الولادة ..بس ناخد بالنا انها لو زادت بشكل كبير ومتتابع كل فترة قصيرة لازم نرجع للدكتورة لانها ممكن تكون علامة ولادة مُبكرة.

– زيادة الإفرازات المهبلية ومفيش قلق منها طالما شفافة بلا رائحة او رائحة بسيطة، إمّا إذا كانت ليها لون متغير أصفر أو غامق أو معها إحساس بالحكة لازم ترجعى لدكتورتك تتعرف على نوع الإفرازات دى لانها بتكون التهابات وفطريات محتاجة علاج، وكمان ناخد بالنا متكونش كتير مثل الماء المحيط بالجنين.

– زيادة عدد مرات التبول بسبب ضغط الرحم على المثانة، لازم تخلى بالك لو ظهرت أعراض مبالغ فيها زى حرقان البول او التهيّج او الحمى او المغص لانها ممكن تكون علامة على الاصابة بعدوى المسالك البولية. (ربنا يعافيكِ يا مامي)

– صعوبة التنفس بسبب تمدد الرحم فحاولي تنظّمى نفَسِك بالتدريج والتدريب على تمرينات التنفس، وطبعًا عند النوم يفضل تنامى فى وضع جانبي خاصة الجانب الأيمن لأن النوم على الظهر بيزود صعوبة التنفس.

– الحموضة.. ودى بتظهر من التلت التانى للحمل وبتزيد طبعًا فى التلت الأخير ..وعلشان تقللّى من الحموضة، حاولي معدتك متكونش فاضية دايمًا وتقسّمى الوجبات الكبيرة لوجبات صغيرة بعدد أكبر + اشربي ماء وسوايل كتير + كلي فواكهة كتير + قللى خالص الموالح والمقليات والاكل الحار اللى توابله كتير + ممكن تمضغى اللبان (العلكة) بتقلل من تأثير الحموضة..وفى ادوية كتير للحموضة ممكن ترجعى لدكتورتك تنصحك بنوع منها.

– تورّم وإنتفاخ فى القدمين بسبب زيادة الماء فى الجسم وكمان الضغط على الأوردة وممكن تظهر دوالي فى الساقين .. فحاولي عدم الوقوف لفترة طويلة وترفعى رجلك على حاجة عالية عند الجلوس أو النوم ..وممكن عد استشارة دكتورتك تلبسى الشراب الطبى الضاغط

– طبعًا آلام الظهر والقدمين بسبب الحمل التقيل اللى على الجسم ..حاولي تبعدى عن الإجهاد والأعمال الشاقّة، وأهم حاجة فى المرحلة دى الرياضة المناسبة للتلت الاخير من الحمل.
أعراض الثلث الأخير للحمل
تغيّرات بتحصل للجنين:

– فى التلت ده الجنين بيكون مستعد فى أى وقت للولادة، وبتكون كل اعضائه اكتملت. هو صحيح بيكون الحجم صغير ومع الوقت بيزيد داخل الرحم بس بيكون إنسان كامل وروح حيّة  وطبعًا بتزيد حركته بشكل كبير جدًا وملفت وبتزيد قوتها مع الوقت.

– بيبدأ الجنين فى التخلّص من الزغب أو الشعر الوبري ويبدا جلده بالتدريج يكون أملس.

– تزيد الدهون تحت الجلد لتنظيم حرارة جسمه.
 
– فى الشهر السابع، يزيد وزنه بالتدرّج بيكون حوالى 1.300 الى 1.700 كجم بدايةً وطوله حوالى 40 سم، وبتكتمل أعضاء الجنين التناسلية سواء كان ولد او بنت.

– فى الشهر التامن بيكون وزنه حوالى 2 كجم الى 2.500 كجم وطوله حوالى 43 سم يبدأ تدريجيًا فى تغيّر إتجاه راسه للأسفل استعدادًا للولادة.

– فى الشهر التاسع بيكون وزنه بيبدأ من 2.750 كجم ليصل عند الولادة لـ 3 كجم أو أكتر وطوله 45 سم، وبيكون الجنين بدأ فعليًا ياخد وضع الرأس لأسفل وبتقل حركته نسبيًا عن اللى اتعودتِ عليها فى الشهر السابع والتامن.. وده لأن بيكون حجمه أكبر والفراغ حواليه فى الرحم أقل فبتكون أصعب
 لازم فى الفترة دى تركزي فى الحركة ولو قلت بشكل كبير وملفت لازم ترجعى لدكتورتك فورًا.

أعراض الثلث الأخير للحمل
ايه اللى المفروض تعمليه فى التلت ده :

– المتابعة مع دكتورتك ومع أخر الشهر التامن والشهر التاسع هتزيد عددها وتكون كل أسبوعين.

– يفضل عمل اشعة ثلاثية الأبعاد فى الشعر السابع او التامن علشان تتطمني على الجنين واكتمال كل اعضاؤه.

– متابعة نسبة الهيموجلوبين بعناية شديدة علشان نقصه بيسبب مشاكل احنا فى غنى عنها اثناء الولادة.

– اهتمي بأكلك وأهم حاجة الخضروات والفاكهة وشرب سوايل كتير.

– الرياضة مهمة جدًا جدًا فى المرحلة دي وهتساعدك وتسهل ولادتك.
أعراض الثلث الأخير للحمل
– تجهيز شنطة الولادة وتجهزى فيها لبس ليكِ وللبيبى يناسب الجو اللى هيتولد فيه.

– اقرأي كتير عن الولادة ونفسيتك بعدها وعن فترة بعد الولادة، والاهتمام بالرضيع وتربية الطفل كل ده هيفيدك ويؤهلك تعدي المراحل دى بسهولة.

– ظبطي مع دكتورتك خطتك فى الولادة والمستشفى اللى هتولدي فيها وكل التجهيزات ولو حالتك تستدعى الولادة القيصرى تشوفى خطة التخدير سواء نصفى ولا كلي، وكمان أول رضاعة للبيبي ويفضل لو ترضعيه طبيعى علشان لبن السرسوب من أهم العناصر اللى المفروض يحصل عليها البيبى.
 
– خليكِ مركزة واعرفي أعراض وعلامات الولادة :

– الشعور بثقل فى البطن وألم شبه آلام الدورة الشهرية.
– انقباضات شديدة ومنتظمة ومع الوقت بتقل الفترة بين كل انقباضة واللى بعدها.
– ظهور إفرازات لزجة وردية اللون من المهبل نتيجة إنفصال الغشاء المخاطي عن عنق الرحم.
– نزول سائل شفاف من المهبل وهو السائل المحيط بالجنين بعد انفتاح الكيس.
أعراض الثلث الأخير للحمل
بمجرد ظهور العلامات دى اتصلي فورًا بدكتورتك واستعدي للنزول للمستشفى، ومعاكي شنطتك فيها حاجاتك وحاجات البيبى واستعدي لاستقبال احلى كائن صغير فى الدنيا واللى بقالك 9 شهور مستنية لحظة حضنه وضمه بين ايديكى 🙂

Comments

comments

شاهد أيضاً

قبل أن تفقدي الأمل:15 نصيحة مختصرة لمضاعفة إنجازك! -1

شاركيها أصحابك!وجودك هنا يعني أنك عالقة، مثلنا جميعًا، في مسؤوليات وخطط كثيرة تتراكم فوق رأسك ...

كيف تسيطر على الغضب

قبل أن تقتلي أحدًا: 15 شيئًا عليكِ فعله للسيطرة على الغضب.

شاركيها أصحابك!الغضب ليس مرضًا لحسن الحظ، وإنما حال يُمكن السيطرة عليه كأي شيء في العالم. ...

بدون نوتيلا: 6 أشياء عليكِ فعلها لتجاوز الإرهاق الذهني والنفسي بسلام.

شاركيها أصحابك!إنّا لا نحيا في الفردوس in heaven كما يحب أن يسميها الخواجات، ومعرّضون في ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Show Buttons
Hide Buttons
ثواني من فضلك :)

اشتركي في مجلتنا الاسبوعية :)

ضيفي إسمك وإيميلك عشان توصلك أجدد موضوعاتنا لحد عندك يا هانم ;)